رێكخراوی فاخیر مێرگەسوری پەروەردەیی خەڵاتی رێزلێنانی بەخشییە قوتابییە سەركەوتووەكانی سلێمانی لە پێشبڕكێی تاقیكردنەوەی بیركاری لەسەر ئاستی هەرێم
رێكخراوی فاخیر مێرگەسوری پەروەردەیی بەهاوكاری رێكخراوی یونێسف، لە رێورەسمێكدا كە رۆژی 15/6/2015، لە هۆڵی بەڕێوەبەرایەتی گشتی پەروەردەی سلێمانی، خەڵاتی رێزلێنانی بەخشییە قوتابییە سەركەوتووەكانی سلێمانی لە پێشبڕكێی تاقیكردنەوەی بیركاری لەسەر ئاستی هەرێم، بە ئامادەبوونی مامۆستا نەجمەدین عەلی ئەحمەد بەڕێوەبەری گشتی پەروەردەی سلێمانی و ژمارەیەك لیپرسراوی پەروەردەیی.
شەپۆل فاخیر مێرگەسوری- سەرۆكی رێكخراوی فاخیر مێرگەسوری بە (سولی پەروەردە)ی رایگەیاند، لە ماوەی رابردوودا پێشبركێیەكی تاقیكردنەوەی بیركارییان بۆ قوتابیان لەسەر ئاستی هەر چوار پەروەردەكەی هەرێمی كوردستان بۆ 1200 قوتابی پۆلەكانی 4 و 8ی بنەڕەتی رێكخست و پەروەردەی سلێمانی پلەی یەكەمی پێشبڕكێكەی بەدەستهێنا، كە ئەوانیش بریتین لە 15 قوتابی و 14 قوتابخانە.
هەروەها لە رێوڕەسمەكەدا خەڵاتی پلەی یەكەمی پەروەردەكان بەخشرایە مامۆستا نەجمەدین عەلی ئەحمەد بەرێوەبەری گشتی پەروەردەی سلێمانی.
لەبەشێكی تری رێوڕەسمەكەدا خەڵاتی رێزلێنانی رێكخراوی فاخیر مێرگەسوری بەخشرایە 3 قوتابی پۆلی 8ی بنەڕەتی و 3 قوتابخانە، كەلە تاقیكردنەوەكانی ساڵی رابردوودا پلەی یەكەمیان بەدەستهێناوە.
