بەناوی بەڕێوەبەرایەتی گشتی پەروەردەی سلێمانییەوە پیرۆزبایی لە گشت خوێندکارە یەکەمەکانی تاقیکردنەوەی کانگارۆ دەکەین لە سنووری پەروەردەکانی بەڕێوەبەرایەتی گشتیمان وە پیرۆزبایی لە خوێندکاران هانۆ حسن بابارسول- محمد فاروق عبداللە- یار امیر اللە کرم لە بەڕێوەبەرایەتی گشتیمان/ کۆلێژی ئەزمەڕ بۆ بەهرەداران دەکەین کە توانیان پلەکانی یەکەم و دووەم و چوارەم بەدەست بهێنن لەم تاقیکردنەوەیەداو هیوای سەرکەوتنیان بۆ دەخوازین و جێی شانازین وە دەست خۆشی لە بەڕێوەبەرو مامۆستایان و ستافی کارگێڕی کۆلێژی ئەزمەڕ دەکەین.
کانگارۆ تاقیکردنەوەیەکی نێودەوڵەتییە لە بابەتی بیرکاری و ژیریدا لەسەرتاسەری جیهان ئەنجام دەدەرێت بۆ ماوەی چوار ساڵە لە ڕێی کۆلێژەکانی یونایتد ساینسەوە کە بریکاری ئەم تاقیکردنەوە نێودەوڵەتییەن لە عێراقدا لە پارێزگای سلێمانی و هەڵەبجەو ئیدارەی گەرمیان ئەم تاقیکردنەوەیە ئەنجام دەدرێت.
دووبارە پیرۆزبایی لە گشت خوێندکارانی سەرکەوتوو دەکەین و هیوادارین هەمیشە سەرکەوتوو بن.
