به‌ وێنه‌.. رێزلێنان له‌ خوێندكاران و مامۆستایان

ئاماده‌یی سلێمانی كچان له‌ رێوره‌سمێكدا خه‌ڵاتی رێزلێنان ده‌به‌خشێته‌ خوێندكاره‌ سه‌ركه‌وتووه‌كان و مامۆستایان.

 

ئاماده‌یی سلێمانی كچان له‌ رێوره‌سمێكدا خه‌ڵاتی رێزلێنان ده‌به‌خشێته‌ خوێندكاره‌ سه‌ركه‌وتووه‌كان و مامۆستایان.
به‌ ئاماده‌بونی مامۆستا نه‌جمه‌دین عه‌لی ئه‌حمه‌د به‌رێوه‌به‌ری گشتی په‌روه‌رده‌ی سلێمانی و مامۆستا نازدار ئه‌حمه‌د به‌ریَِوه‌به‌ری په‌روه‌ره‌ده‌ی رۆژهه‌ڵات، ئه‌مڕۆ 27/11/2014، ئاماده‌یی سلێمانی كچان له‌ هۆڵی رۆشنبیری رێوڕه‌سمێكی بۆ رێزلێنان له‌ خوێندكاره‌ یه‌كه‌مه‌كان و مامۆستایانی دڵسۆزی خوێندنگاكه‌ رێكخست.
له‌سه‌ره‌تای رێوڕه‌سمه‌كه‌دا به‌ڕێوه‌به‌ری گشتی په‌روه‌رده‌ی سلێمانی پیرۆزبایی له‌ خوێندكاره‌ سه‌ركه‌وتووه‌كان و مامۆستایانی خوێندنگاكه‌ كردو هیوای خواست ئاماده‌یی سلێمانی كچان له‌ گه‌شه‌كردنی زیاتردا بێت.
دواتریش خه‌ڵاتی رێزلێنان به‌خشرایه‌ ئه‌و خوێندكارانه‌ی له‌ تاقیكردنه‌وه‌كانی ساڵی خوێندنی 2013-2014 نمره‌یی به‌رزیان به‌ده‌ستهێناوه‌.
هه‌روه‌ها خه‌ڵاتی رێزلێنان به‌خشرایه‌ ئه‌و مامۆستایانه‌ی به‌ هه‌وڵ و ماندوبوونیان خزمه‌تیان به‌ خوێندكارانی قوتابخانه‌كه‌ كردوه‌و دواتریش خه‌ڵاتی رێزلێنان به‌ خوێندكارانی نمونه‌یی و خاوه‌ن به‌هره‌ی خوێندنگاكه‌ به‌خشرا.