خوێندنگای جەمالی حاجی عەلی رێوڕەسمێكی بۆ یادی كارەساتی ئەنفال رێكخست.
بە ئامادەبونی بەرێوەبەری گشتی پەروەردەی سلێمانی و مامۆستایان و خوێندكاران، رۆژی 2/5/2015، خوێندنگای جەمالی حاجی عەلی رێوڕەسمێكی بۆ یادی كارەساتی ئەنفال رێكخست.
لە رێوڕەسمەكەدا خوێندكاران شانۆگەرییەكیان سەبارەت بە ئەنفال و نەهامەتیەكانی ئەو كارەساتە لەسەر گەلی كورد پێشكەشكرد، لە پێناو ئاشناكردنی خوێندكاران و نەوەی نوێ بە گەورەیی ئەو كارەساتە.
بەرێوەبەری گشتی پەروەردەی سلێمانی دەستخۆشی لە بەڕێوەبەرو مامۆستایان و خوێندكارانی خوێندنگای جەمالى حاجی عەلی كرد و هیوای خواست یادە نەتەوەیی و نیشتمانیەكان بەشێوەیەكی بەرز رابگیرێن و نەوەی نوێ لەو كارەساتانە ئاگاداربكرێنەوە كە بەسەر گەلی كورددا هاتون.
