خولێك بۆ ئەنجومەنەكانی دایكان و باوكان لە قوتابخانەكانی هاوڕێی منداڵ لە سنووری پەروەردەی رۆژهەڵات كرایەوە.
ئەمڕۆ 9/5/2017، بە ئامادەبوونی مامۆستا دڵشاد عومەر بەڕێوەبەری گشتی پەروەردەی سلێمانی و مامۆستا نازدار ئەحمەد بەڕێوەبەری پەروەدەی رۆژهەڵات، خولێك بۆ ئەنجومەنەكانی دایكان و باوكان لە قوتابخانەكانی هاوڕێی منداڵ لە سنووری پەروەردەی رۆژهەڵات كرایەوە.
خولەكە لە قوتابخانەی (سۆرانی بنەڕەتی) كرایەوەو بە هاوكاری رێكخراوی (یونیسێف)، تێیدا چۆنیەتی بەڕێوەبردنی قوتابخانەكانی هاوڕێی منداڵ لەلایەن ئەنجومەنەكانی دایكان و باوكانی قوتابیانەوە رونكرایەوە.
لە سنوری بەڕێوەبەرایەتی گشتی پەروەردەی سلێمانی 83 قوتابخانەی هاوڕێی منداڵ هەیە كە لەلایەن ئەنجومەنەكانی دایكان و باوكانەوە بەڕێوەدەبرێت.
