لە هۆڵی قوتابخانەی ئاریاسی بنەڕەتی لە سلێمانی پێشانگای ساڵانەی 35 قوتابخانەی بنەڕەتی (7-9) سەر بە بەڕێوەبەرێتی پەروەردەی رۆژهەڵات كرایەوە.
لە هۆڵی قوتابخانەی ئاریاسی بنەڕەتی لە سلێمانی پێشانگای ساڵانەی 35 قوتابخانەی بنەڕەتی (7-9) سەر بە بەڕێوەبەرێتی پەروەردەی رۆژهەڵات كرایەوە، بە ئامادەبونی مامۆستا نەجمەدین عەلی ئەحمەد بەڕێوەبەری گشتی پەروەردەی سلێمانی.
لە پێشانگاكەدا چەندین تابلۆ وكاری هونەری و ئیشی دەستی قوتابیان و مامۆستایان نمایشكراون و دوای بەسەركردنەوەی بەشە جیاوازەكانی پیشانگاكەش، بەڕێوەبەری گشتی پەرودەی سلێمانی دەستخۆشی لە قوتابیان و مامۆستایانی بەشدار بوو كرد.
ئەم پێشانگایەش دووەم پێشانگای یەكەی چالاكی هونەری سەر بە بەڕێوەبەرێتی پەروەردەی رۆژهەڵاتە كە لە هۆڵەكانی ئامادەیی سلێمانی كچان و ئاریاسی بنەڕەتی بۆ قوتابخانەو خوێندنگاكانی سەر بە بەڕێوەبەرێتی پەروەردەی رۆژهەڵات كردویەتیەوە.
