بەڕێوەبەری گشتی پەروەردەی سلێمانی سەردانی چەند قوتابخانەو خوێندنگایەكی دەورووبەری سلێمانی كردو لە رەوشی پەروەردەو خوێندنی كۆڵیەوە لەو ناوچانەدا.
بەڕێوەبەری گشتی پەروەردەی سلێمانی سەردانی چەند قوتابخانەو خوێندنگایەكی دەورووبەری سلێمانی كردو لە رەوشی پەروەردەو خوێندنی كۆڵیەوە لەو ناوچانەدا.
ئەمڕۆ 8/3/2015، مامۆستا نەجمەدین عەلی ئەحمەد بەڕێوەبەری گشتی پەروەردەی سلێمانی سەردانی قوتابخانەی دەوەن-ی كرد لە ناحیەی بازیان.
لەو سەردانەدا بەڕێوەبەری گشتی كتێبخانەی قوتابخانەكەی كردەوەو هیوای سەركەوتنی بۆ بەڕێوەبەرو مامۆستاو قوتابیانی قوتابخانەكە خواست.
پاشان بەڕێوەبەری گشتی پەروەردەی سلێمانی سەردانی ناحیەی ئاغجەلەری سەر بە قەزای چەمچەماڵی كردو چەند قوتابخانەو خوێندنگایەكی ناحیەكەی بەسەركردەوە.
دواتر سەردانی قەزای دوكانی كردو چەند قوتابخانەو خوێندنگایەكی بەسەركردەوە، بە تایبەت هۆڵەكانی تاقیكردنەوەو هیوای سەركەوتنی بۆ خوێندكاران خواست.
لە سەرجەم سەردانەكاندا بەڕێوەبەری گشتی لەنزیكەوە گوێی بۆ داواكاری و سەرنجی بەڕێوەبەرو مامۆستایان و قوتابیان گرت و دەستخۆشی لێكردن بۆ بەردەوامیدان بە پڕۆسەی خوێندن سەرەڕای ئاستەنگەكان.
هەروەها پیرۆزبایی لە سەرجەم مامۆستا ژنەكان كرد بە بۆنەی رۆژی جیهانی ژنانەوە.
