لە چوارچێوەی سەردانەكەیدا بۆ شاری سلێمانی وەزیری پەروەردە چەند ناوەندێكی پەروەردەیی بەسەركردەوە.
لە چوارچێوەی سەردانەكەیدا بۆ شاری سلێمانی وەزیری پەروەردە چەند ناوەندێكی پەروەردەیی بەسەركردەوە.
رۆژی 28/5/2015، د. پشتیوان سادق وەزیری پەروەردەی حكومەتی هەرێم بە یاوەری مامۆستا نەجمەدین عەلی ئەحمەد بەڕێوەبەری گشتی پەروەردەی سلێمانی، سەردانی بەڕێوەبەرێتی پەروەردەی رۆژهەڵاتی كردو لە لایەن مامۆستا نازدار ئەحمەد بەڕێوەبەری پەروەردەی رۆژهەڵات و فەرمانبەرانی بەڕێوەبەرێتییەكەوە پێشوازییان لێكرا.
لەسەردانەكەدا باس لە میكانیزمەكانی بەرەوپێشبردنی پڕۆسەی پەروەردە كراو هەروەها بەشكانی ناودیوانی بەسەركردەوەو بەلێنی هاوكاری و چارەسەری گرفتەكانی پێدان.
هەمان رۆژ وەزیری پەروەردەو بەڕێوەبەری گشتی پەروەردەی سلێمانی سەردانی لقی سلێمانی یەكێتی مامۆستایانی كوردستانیان كردو، باس لە بەهێزكردنی هەماهەنگی و هاوكاری نێوان وەزارەت و یەكێتی مامۆستایان كرا لە پێناو خزمەتكردنی زیاتر بە رەوشی پەروەردەو خوێندن.
هەروەها سەردانی قوتابخانەی ئاشتی ئەهلی- یان كرد كە رێوڕەسمێكیان رێكخستبوو بۆ دەرچووانی بەشی باخچەی ساوایانی قوتابخانەكە، وەزیری پەروەدە دەستخۆشی لە بەڕێوەبەرو مامۆستایانی قوتابخانەكە كردو پیرۆزباییشی لە مناڵانی دەرچووكرد.
هەر لەدرێژەی بەسەركردنەوەكانیدا وەزیری پەروەردە سەردانی قوتابخانەی (رۆز)ی ئەهلی كردو لەگەڵا بەڕێوەبەرو مامۆستایانی قوتابخانەكە گفتوگۆیانكرد لەبارەی رەوشی خوێندنەوەو بەڵێنی هاوكاری پێدان.
