دوابەدوای بڕیاری بەڕێوەبەرایەتی گشتی پەروەردەی سلێمانی بە گۆڕینی ناوی قوتابخانەی (كوردستان)ی بنەڕەتی بۆ قوتابخانەی (بڕیاری شەهید ئاسۆ)ی بنەڕەتی لە سنوری بەڕێوەبەرێتی پەروەردەی رۆژهەڵات، ئەمڕۆ 2/9/2019، بە ئامادەبوونی مامۆستا دڵشاد عومەر بەڕێوەبەری گشتی پەروەردەی سلێمانی و لێپرسراوانی حكومی و حزبی و بنەماڵەی شەهید ئاسۆ، لە رێوڕەسمێكی شایستەدا پەردە لەسەر ناونیشانی قوتابخانەكە لادرا.
لە رێوڕەسمەكەدا وتاری بەڕێوەبەری گشتی پەروەردەی سلێمانی و بنەماڵەو چەند وتارێكی تر پێشكەشكران.
هەروەها بڕیاردرا زەنگی دەستپێكی ساڵی نوێی خوێندن 2019-2020 لە هەمان قوتابخانە لێبدرێت.
لەبەر پیرۆزی شەهیدو خۆشەویستی منداڵان بۆ باوك و راستگۆیی لە خۆشەویستیدا بە پەروەردەیەكی جوان، وە هەژاندنی رۆحی هەموو مرۆڤایەتی و جۆشدانی هەموومان بە خەبات و فیداكاری پێشمەرگە، بەڕێوەبەرایەتی گشتی پەروەردەی سلێمانی، لە 26/8/2019، بڕیاریدا قوتابخانەی (كوردستان)ی بنەڕەتی ناوەكەی بگۆڕێت بۆ قوتابخانەی (بڕیاری شەهید ئاسۆ) لە سنوری بەڕێوەبەرێتی پەروەردەی رۆژهەڵات.
بۆ زانیاری ئامادەیی (كوردستان) بە هەمان ناو لە هەمان سنوری بەڕێوەبەرێتی پەروەردەی رۆژهەڵات هەیە.
