سڵاوی پەروەردەو زانست…
بەناوی بەڕێوەبەرایەتی گشتی پەروەردەی سلێمانییەوە پیرۆزبایی لە گشت خوێندکارانی سەرکەوتووی قۆناغی ١٢ ی ئامادەیی زانستی و وێژەیی و پیشەیی و خوێندنی ئیسلامی بۆ ساڵی خویندنی (٢٠٢١-٢٠٢٢) دەکەین. سوپاسی کەسوکاری خوێندکاران دەکەین کە هاوکاریان بوون وە زۆر سوپاسی هێزەکانی ئاسایش و پۆلیسی شاری سلێمانی و بەڕێوەبەرایەتی کارەبای سلێمانی وپارێزگاری سلێمانی دەکەین کە هاوکاربوون لە سەرکەوتنی ئەم پرۆسەیەدا، دەستخۆشی لە گشت سەرپەرشتیاران و بەڕێوەبەرو مامۆستایان و فەرمانبەران و کارگوزاری هۆڵەکان دەکەین کە دڵسۆزانە توانیان پرۆسەی تاقیکردنەوەکان بەسەرکەوتوویی جێبەجێ بکەن، جێگەی شانازیمانن.
هیوای سەرکەوتن بۆ خوێندکارانی سەرکەوتوو دەخوازین لە قۆناغەکانی داهاتووداو بتوانن خزمەت بە نیشتمان و گەل بکەن بە هیوای سەرکەوتن بۆ خوێندکارانی خولی دووەم ، هیوادارین کۆششی تەواو بکەن و سەرکەوتن بەدەست بهێنن.
شایەنی باسە لە کۆی ٥٢ خوێندکاری یەکەم و دووەم و سێیەم لەسەر ئاستی هەرێم ٢٦ خوێندکاریان خوێندکاری پارێزگای سلێمانین، بە جۆرێک لە بەشی زانستی لە کۆی ٣٤ خوێندکار ١٦ خوێندکار لە پارێزگای سلێمانییەو لە بەشی وێژەیی لە کۆی ٣ خوێندکار ٢ خوێندکار لە پارێزگای سلێمانییەو لە بەشی پیشەیی لە کۆی ١٥ خوێندکار ٨ خوێندکار لە پارێزگای سلێمانییە. دووبارە پیرۆزە لە خوێندکارانمان
بەڕێوەبەرایەتی گشتی پەروەردەی سلێمانی
٢٠٢٢/٧/٢٨