بەداخەوە نیوەڕۆی ئەمڕۆ لەکاتی تەواوبوونی دەوام لە قوتابخانەیەکی سنووری بەڕێوەبەرایەتی پەروەردەی ڕۆژئاوای سلێمانی، لەناو دەرگای قوتابخانەکە ڕووداوێکی دڵتەزێن بە ئۆتۆمبێل ڕوویداوە، ئەم ڕووداوە بووە ھۆی گیان لەدەستدانی قوتابی (میھراکۆ ئاکۆ) و برینداربوونی قوتابییەکی تر بەناوی (باوان جەزا), ئەم ڕووداوە زۆر خەمباری کردین، بەناوی وەزارەتی پەروەردەوە پرسە و سەرەخۆشی ئاڕاستەی خانەوادەی جوانەمەرگ (میھراکۆ ئاکۆ) و دەستەی کارگێڕی و مامۆستایانی قوتابخانەکە و ھاوڕێیانی جوانەمەرگ دەکەین، خوای گەورە سەبوری ھەمووان بدات، ھەروەھا ھیوای زووچاکبوونەوە بۆ قوتابی (باوان جەزا) دەخوازین.
وەزارەتی پەروەردە
٤ی ١٠ی ٢٠٢٢