سێشەممە ؛ ٢٧ی شووباتی ٢٠٢٤ ؛ دیوانی وەزارەت:
ئەنجامدانی کۆبوونەوەی ئاسایی ئەنجومەنی وەزارەتی پەروەردە بە ئامادەبوونی بریکاری وەزارەت و راوێژکاران و بەڕێوەبەری گشتیی پەروەردەکانی دیوانی وەزارەت و پارێزگا و ئیدارە سەربەخۆکان .
دوو تەوەر گفتوگۆ کران و بریاری پێویست لەبارەیانەوە درا:
١- هەموارکردنەوەی ساڵنامەی خوێندن.
٢- پەسەندکردنی ڕەشنووسی پەیکەری وەزارەتی پەروەردە.
٣- کۆنفرانسی سەرپەرشتیاریی پەروەردەیی.
لەگرنگترتین بڕیارەکانی کۆبوونەوەی ئەمڕۆ :
یەکەم : پێدانی دەسەڵات بە بەڕێوەبەری گشتیی پەروەردەکانی(سلێمانی و هەڵەبجە و گەرمیان و ڕاپەڕین) بۆ هەموارکردنەوەی ساڵنامەی تایبەت بە پۆلە ناکۆتاکان بۆ ئەو قوتابخانانەی کەخوێندنیان درەنگ دەستپێکردەوە.
دووەم : (٧ی ٥ تا ١٤ی ٥ )تاقیکردنەوەی نیشتیمانی پۆلی نۆیەمی بنەڕەتییە (( خولی یەکەم )) بە شێوەی تاقیکردنەوەی نیشتمانی بۆ هەموو قوتابیان و ئەو بابەتانەی داواکراون بۆیان دیاری کراوە. هەروەها خولی دووەم لە (٢٨ی ٥ تا ٤ی ٦) ئەنجامدەدرێت.
سێیەم : لە (٢٣ی ٦ تا ١۷ی ٧) ، تاقیکرنەوەی وەزاری ( بەکالۆریا)ی پۆلی ١٢ ی ئامادەیی بۆ هەموو قوتابیان وخوێندکاران (( خولی یەکەم)) ئەنجامدەدرێت ، لە هەفتەیەک دوو تاقیکردنەوە. هەروەها خولی دووەم لە( ١٧ی ٨ تا ٤ی ٩ )ئەنجامدەدرێت ، بۆ سوودی قوتابیان بریارماندا تاقیکردنەوەی خولی دووەم ڕۆژە نا ڕۆژێک بێت ، کە ساڵانی رابردوو هەموو ڕۆژێک بوو.
چوارەم : تاقیکردنەوەی پۆلە ناکۆتاکان لەوناوەندانەی خوێندنی حکومی و ناحکومی ( هەموو کوردستان ) کە لەگەڵ ساڵنامەی وەزارەت دەوامیان کردوە لە ١٣ی ٩ ، بەمجۆرە دەبێت :
هەڵسەنگاندنی بازنەی یەکەم پۆلی ١ و ٢ و ٣ ی بنەڕەتی ، لە سێ رۆژ ئەنجامدەدرێت کە بریتین لە ٢٩ و ٣٠ی مانگی نیسان و ٢ی مانگی ئایار .
تاقیکردنەوەکانی پۆلە ناکۆتاکان ( ٤ و ٥ و ٦ و ٧ و ٨ ی بنەڕەتی ) و ( ١٠ و ١١ی ئامادەییەکان ) لە ٤ی مانگی ٥ ( ئایار) دەستپێدەکات بۆ خولی یەکەم و لە ١٣ی مانگی ٥ کۆتایی دێت ، هەروەها خولی دووەمی پۆلە ناکۆتاکان لە ٢٦ی ٥ دەستپێدەکات و لە ٤ ی ٦ کۆتایی دێت.
پێنجەم : تاقیکردنەوەی وەرزی دووەمی پۆلی ١٢ی ئامادەیی و ٩ ی بنەرەتی وەک خۆی دەمێنێتەوە و لە ١٤ ی ٤ دەستپێدەکات بۆ ئەو ناوەندانەی خويندن کە ڕەچاوی ساڵنامەی وەزارەتی پەروەردەیان کردوە.
شەشەم : ئەو ناوەندانەی خوێندن کەلە ١٣ ی ٩ دەوامیان کردوە لە ١١ ی ٣ تا ٢٣ ی ٣ پشوویان دەبێت و ٢٤ ی ٣ دەست دەکەنەوە بە دەوام ، قوتابخانە نێودەوڵەتیەکانیش پابەندن بە ساڵنامەی خوێندنی خۆیان کە پێشکەشی وەزارەتی پەروەردەیان کردوە.
حەوتەم : رۆژی یەکشەممە ٣ ی ٣ کۆبوونەوەی بەڕێوەبەری سەرپەرشتیاریی پەروەردەیی ئەنجامدەدرێت بۆ ئەوەی ئامادەسازیی بکرێت لە هاوینی ئەمساڵ کۆنفرانسی سەرپەرشتیاریی پەروەردەیی ئەنجامبدرێت بۆ زیاتر دەوڵەمەند کردنی بەرنامەی بونیادنانی تواناکان.
هەشتەم : ڕەشنووسی پەیکەری نوێی کارگێریی وەزارەت پەسەندکرا.
ئالان حەمەسەعید
وەزیری پەروەردە
۲۷ی۲ی۲۰۲٤
![](https://suliparwarda.com/wp-content/uploads/2024/02/409135258_738637331787202_1372029996746583704_n-1024x682.jpg)
![](https://suliparwarda.com/wp-content/uploads/2024/02/428609258_738637438453858_8949158063476361322_n-1024x682.jpg)
![](https://suliparwarda.com/wp-content/uploads/2024/02/428678907_738637558453846_7833444741940074172_n-1024x682.jpg)
![](https://suliparwarda.com/wp-content/uploads/2024/02/428702306_738637598453842_4011904365917772864_n-1024x682.jpg)
![](https://suliparwarda.com/wp-content/uploads/2024/02/429591449_738637478453854_7314749921173673586_n-1024x682.jpg)
![](https://suliparwarda.com/wp-content/uploads/2024/02/429684908_738637408453861_3849489852034499354_n-1024x682.jpg)
![](https://suliparwarda.com/wp-content/uploads/2024/02/429793266_738637295120539_1722617985622849893_n-1024x682.jpg)
![](https://suliparwarda.com/wp-content/uploads/2024/02/429966141_738637225120546_4804307969461857080_n-1024x682.jpg)
![](https://suliparwarda.com/wp-content/uploads/2024/02/430113823_738637281787207_9165240448211765694_n-1024x682.jpg)
![](https://suliparwarda.com/wp-content/uploads/2024/02/430139737_738637635120505_6714560250184327996_n-1024x682.jpg)
![](https://suliparwarda.com/wp-content/uploads/2024/02/430139753_738637578453844_4651149594875272385_n-1024x682.jpg)
![](https://suliparwarda.com/wp-content/uploads/2024/02/430174729_738637521787183_8211117146675946296_n-1-1024x682.jpg)
![](https://suliparwarda.com/wp-content/uploads/2024/02/430465555_738637368453865_8361658394698644721_n-1024x682.jpg)