ئەمڕۆ چوارشەممە ٢٢ی ١٠ی٢٠٢٥ لە دیوانی بەڕێوەبەرایەتی گشتی پەروەردەی سلێمانی کۆبونەوەیەک ئەنجام درا کە تایبەت بوو بۆ بەگەرخستنی دانانی سیستمی کامێراو GPS بۆ ناو ئەو ئوتومبیلانەی کە خوێندکاران و قوتابیان هاتوچۆ پێدەکەن.
لەلایەن خاتوو ناهیدە عبداللە بەڕێوەبەری بەشی یاساو مامۆستا جمال محمود بەڕێوەبەری بەشی خزمەتگوزاری لە بەڕێوەبەرایەتی گشتیمان ئامادەکاری و ڕێنمایی یاساییان بۆ ئەو کۆمپانیاو لایەنە پەیوەندیدارانە خستەڕوو کە بەشدار دەبن لە گواستنەوەی قوتابیان و خوێندکاران کە بە زووترین کات ئەو کارە یاساییانە تەواو بکەن بۆ ئەوەی پرۆژەی دانانی کامێراو GPS لەناو ئەو ئوتومبیلانەی کە قوتابیان و خوێندکاران هاتوچۆ پێدەکەن بکەوێتە کار.
