لەسەر ڕاسپاردەی وەزارەتی پەروەردە بۆ بەشداریکردن لە یەکەم دیداری گۆڕانکارییەکانی داهاتوو لە پەروەردەو خوێندنی باڵادا لە ڕۆژی دووشەممە ٢٠٢٢/١١/١٤ مامۆستا دڵشاد عمر بەڕێوەبەری گشتی پەروەردەی سلێمانی وەک سەرۆک شاندی وەزارەتی پەروەردە لەگەڵ بەڕێز زهێر محمد یاریدەدەری بەڕێوەبەری گشتی پلاندانان لە وەزارەتی پەروەردە لە ووڵاتی ئیمارات-دبی ئامادەبوون کە نوێنەرانی وەزارەتی پەروەردەو خوێندنی باڵای چەندین ووڵات بەشداربوون کە لەلایەن کۆمپانیای کڵاسێرا و ڕێکخراوی پەروەردەو ڕۆشنبیری و زانستی عەرەبی ڕێکخرابوو.
لەم دیدارەدا بیروڕا ئاڵوگۆڕ کرا بۆ زیاتر خستنە ڕووی کێشەکانی بەردەم پەروەردەو خوێندنی باڵاو سوود وەرگرتن لە ئەزموونی ووڵاتان و برەودان بە پرۆسەی خوێندن، هەروەرها لە ڕۆژی دووەمدا مامۆستا دڵشاد عمر بەشداربوو لە پێشانگای (GESS) و چاوی کەوت بە وەزیری پەروەردەی ئیمارات.
