هێزەکانی دەزگای ئاسایشی هەرێم ( سێ ) تۆمەتباریان دەستگیرکرد کە هەوڵیاندابوو خوێندکاران فریووبدەن
کە پرسیاری پۆلی ( ١٢ ) ئامادەیی دەفرۆشن بە ڕێگای مامەڵەی ئۆنلاین .
پاش دەستکەوتنی زانیاری لەسەر فرۆشتنی ئامێرەکانی ( قۆپیکردن ) و تێکدانی دەرونی خوێندکاران و فریوودانیان لە تۆڕە کۆمەڵایەتیەکانەوە کە پرسیاری پۆلی ١٢ ی تاقیکردنەوەکانی کۆتایی ساڵی ٢٠٢٣ دەفرۆشن ،
لەسەر فەرمانی دادوەری لێکۆڵینەوە ، هێزەکانی دەزگای ئاسایش بەهەماهەنگی لەگەڵ بەڕێوەبەرایەتی ئاسایشی ڕاپەڕین و ئاسایشی ڕۆژئاوای سلێمانی لە ماوەیەکی کورتدا زانیاری پێویست بەدەستهات بۆ دەستنیشانکردنی شوێنی تۆمەتباران و دەستگیرکردنیان.
سەرئەنجام توانرا گروپێکی ( ٣ ) کەسی دەستگیربکەن ، کاریان فرۆشتنی ئامێرەکانی قۆپیکردن بووە و دەستگیرا
بەسەر چەند ئامێر و کەرەستەی قۆپیکردن وەک
_ ئامێری پەیوەندیکردنی ( بێسیم ) بەشێوەی شاراوە لە جلوبەرگی ژێرەوەی پیاوان و ژنان دانرابوون .
_ بیستۆک ( سماعە )
_ قەڵەم جافی قۆپی کردن .
_ ئامێری پشکنین .
تۆمەتباران پێکهاتوون لە
( ش ، ع ، ڕ ) ، ( ه ، م ، ح ) ( ش ، ف ، ک )
تەمەنیان لە نێوان ( ٢٠-٢٥ ) ساڵدایە و دانیشتووی هەرێمی کوردستانن ، تۆمەتباران کەرەستەکانیان لە ناوڕاست و باشوری عێراق هێناوە و هەوڵیانداوە لەڕێگای ( ئۆنلاین )ەوە ئامێرەکانیان ساغبکەنەوە .
دەزگای ئاسایشی هەرێمی کوردستان دڵنیایی دەداتە سەرجەم خوێندکاران ، هۆشیاربن و فریونەدرێن بەو دەنگۆیانەی باس لە فرۆشتنی پرسیاری کۆتایی تاقیکردنەوەکانی پۆلی ١٢ دەکرێت هەروەها بەدووربن لە هەر ئامێرێکی قۆپیکردن لە پێناو بەدیهێنانی کەشێکی ئارام و تاقیکردنەوەیەکی سەرکەوتوو .
بە هیوای سەرکەوتن بۆ سەرجەم خوێندکارانی کوردستان