دوای ئەوەی ئێوارەی هەینی خانەوادەی کاکە (نالی سەمیر )کە منداڵێکی پەروەردەی تایبەتە چاویان بە بەڕێز وەزیری پەروەردەی حکومەتی هەرێمی کوردستان دکتۆر ئالان حمە سعید دەکەوێت لە شوێنێکی گشتی و باسی کەیسەکەیان بۆ بەڕێز وەزیری پەروەردە دەکەن، بەڕێزیان ڕاستەوخۆ پەیوەندی بە مامۆستا نەژاد عبداللە بەڕێوەبەری گشتی پەروەردەی سلێمانی دەکەن بۆ بەدواداچوونی کەیسەکەیان و ئەمڕۆ شەممە ١٩ی٧ی ٢٠٢٥ بەڕێوەبەری گشتی پەروەردەی سلێمانی بەیاوەری مامۆستا هەنسک عوسمان سەرپەرشتیاری ڕاسپاردە/ ڕاهێنەری پەروەردەی تایبەت و مامۆستا شاخەوان فاتح سەرپەرشتیاری ڕاسپاردە/ ڕاهێنەری پەروەردەی تایبەت و ڕاز عبدالکریـم بەڕێوەبەری ڕاگەیاندن و پەیوەندییەکان لە بەڕێوەبەرایەتی گشتیمان سەردانی ماڵی خانەوادەی کاکە نالیان کرد کە منداڵێکی پەروەردەی تایبەتەو تەمەنی ٧ ساڵەو نەچۆتە قوتابخانە لەبەر حاڵەتەکەی، بەڕێوەبەری گشتی بەڵێنی پێدان هەموو هاوکارییەکی بکات بۆ گەڕاندنەوەی بۆ خوێندن وە دابینکردنی گشت پێداویستییەکانی خوێندن و دابینکردنی کرێی هاتووچۆیان بۆ قوتابخانە بۆ کاکە نالی و خوشکەکەی تا قۆناغی ١٢ ، وە بەشی پەروەدەی تایبەتی ڕاسپارد کە هاوکاری بن و مامۆستاو چاودێری پەروەردەی تایبەتی بۆ دابین بکەن.
