لە بەرنامەکانی وەزارەتی پەروەردە بۆ جێبەجێکردنی فێربوونی دیجیتاڵی کارلێکەرانەو زیرەکی دەستکرد لە پەروەردەدا لە پارێزگای سلێمانی و لە سنووری بەڕێوەبەرایەتی گشتیمان ١٠ خوێندنگە هەڵبژێردراون وەک تێست بۆ ئەمساڵی خوێندن
ئەمڕۆ چوارشەممە ١٠ ی ٩ ی ٢٠٢٥ مامۆستا نەژاد عبداللە بەڕێوەبەری گشتی پەروەردەی سلێمانی مامۆستایانی بەشداربووی بەسەرکردەوە کە لەلایەن بەڕێز زوهێر عبداللە یاریدەدەری بەڕێوەبەری گشتی پلاندانانی پەروەردەیی لە وەزارەتی پەروەردەی حکومەتی هەرێمی کوردستان بەرچاو ڕوونی و ئامادەکارییەکانی بۆ مامۆستایان شیکردەوە کە بۆ ئەم ساڵی خوێندن لە بازنەی یەک بۆ پۆلەکانی ١و ٢ و ٣ ی بنەڕەتی وەک تێست پەیڕەو دەکرێت، تێیدا ١٠ خوێندنگە هەڵبژێردراون و سمارت بۆرد دابینکراوە بۆیان.
ئەمیش لە کاتێکدایە کە وەزارەتی پەروەردە لە ٢١ ی ئابی ئەمساڵ لە سێیەم کۆڕبەندی پەروەردەیی خوێندنی دیجیتاڵی و ژیری دەستکردی خستە ناو پرۆسەی پەروەردە تاوەکو بتوانن تەکنەلۆجیاو بەگەرخستنی لەناو کایەی پەروەردە سودی لێوەربگرن.
بەڕێوەبەری گشتی زۆر سوپاس و دەستخۆشی لە مامۆستا زوهێر کرد کە ئامادە بوو بۆئەوەی لە نزیکەوە لەگەڵ مامۆستایان بابەتەکانی تەکنەلۆجیا ڕوون بکاتەوە، سوپاسی مامۆستایانی بەشداربووی کرد کە خۆنەویستانە و بە پەرۆشەوە ئامادەن بۆ زیاتر پێشخستنی پرۆسەی پەروەردەو هیوای سەرکەوتنی بۆ خواستن.
