بەبۆنەی ٥ی ١٠ ڕۆژی جیهانی مامۆستایان و ٦ی ١٠ ڕۆژی مامۆستایانی کوردستان، پیرۆزبایی گەرممان ئاڕاستەی سەرجەم مامۆستایانی جیهان و مامۆستایانی دڵسۆز و خەمخۆری پرۆسەی پەروەردە و فێرکردن لە کوردستان دەکەین، رۆڵی مامۆستایان لە پێگەیاندنی نەوەکانی گەلی کوردستان بەرز دەنرخێنن.سوپاس و پێزانیمان بۆ ھەوڵ و ماندووبوونیان، سوپاسی پشوودرێژی و خۆڕاگری مامۆستایانی کوردستان دەکەین، کە سەرباری دواکەوتنی مووچە و راگرتنی پلەبەرزکردنەوە و ئاڵنگاری و پێشهاتە نەخوازراوەکانی بارودۆخی کوردستان بەردەوامبوون لە بەجێگەیاندنی ئەو بەرپرسیاریەتییەی کە لەسەر شانیان بووە بۆ راپەڕاندنی ئەرکە پەروەردەییەکانیان.
دووبارە پیرۆزبێت ڕۆژی مامۆستایانی کوردستان و جیهان.
نەژاد عبداللە محمد
بەڕێوەبەری گشتی پەروەردەی سلێمانی
٥ی ١٠ ی ٢٠٢٥